cure-real
Page 1 of 5 12345 LastLast
Results 1 to 15 of 63

Thread: Hoe identifiseer mens, 'n valse Profeet?

  1. #1
    Join Date
    Sep 2002
    Location
    Little Jerusalem, S-Africa
    Posts
    3,891

    Hoe identifiseer mens, 'n valse Profeet?

    Dit klink moontlik of dit nogal moeilik kan wees om uit te vind of iemand 'n ware of valse profeet is, maar is dit? VÍrder moet mens aanvaar dat daar wel nog profete is, maar wat beteken dit dan om vandag 'n profeet te wees?

    Efe 4:11-12 En Hy het gegee sommige as apostels, ander as profete, ander as evangeliste, ander as herders en leraars, (12) om die heiliges toe te rus vir hulle dienswerk, tot opbouing van die liggaam van Christus,

    Daar is dus nog mense wat kan profeteer. Die kruks is, wat beteken dit? In kort, soos ek dit self sien, beteken dit dat mens net kan profeteer om die waarheid beter tot eenheid in die liggaam van Christus te bring...

    Efe 4:13-16 totdat ons almal kom tot die eenheid van die geloof en van die kennis van die Seun van God, tot ‘n volwasse man, tot die mate van die volle grootte van Christus; (14) sodat ons nie meer kinders sou wees nie wat soos golwe geslinger en heen en weer gedryf word deur elke wind van lering, deur die bedrieŽry van die mense, deur sluheid om listiglik tot dwaling te bring; (15) maar, terwyl ons in liefde die waarheid betrag, in alles sou opgroei in Hom wat die Hoof is, naamlik Christus, (16) uit wie die hele liggaam—goed saamgevoeg en saamverbind deur die ondersteuning wat elke lid gee volgens die werking van elke afsonderlike deel in sy mate—die groei van die liggaam bevorder vir sy eie opbouing in liefde.

    Is dit dieselfde as die profete van die Bybel? Nee, dit kan nooit dieselfde wees nie, want die Profete en ook Apostels van die Bybel, het reeds die fondasie gelÍ, waarop ons moet bou in die waarheid wat reeds gegee en VAS is! Profete van vandag is net daar om te bou op die fondament wat reeds gelÍ is.

    Efe 2:19-22 So is julle dan nie meer vreemdelinge en bywoners nie, maar medeburgers van die heiliges en huisgenote van God, (20) gebou op die fondament van die apostels en profete, terwyl Jesus Christus self die hoeksteen is, (21) in wie die hele gebou, goed saamgevoeg, verrys tot ‘n heilige tempel in die Here, (22) in wie julle ook saam opgebou word tot ‘n woning van God in die Gees.

    Hierdie selfde fondament is ook waarop die nuwe stad, Jerusalem, gebou sal wees...

    Open 21:10-14 En hy het my in die gees weggevoer op ‘n groot en hoŽ berg en my die groot stad getoon, die heilige Jerusalem, wat uit die hemel van God neerdaal; (11) en dit het die heerlikheid van God gehad, en sy lig was soos ‘n baie kosbare steen, soos die kristalhelder jaspissteen. (12) En dit het ‘n groot en hoŽ muur met twaalf poorte gehad, en by die poorte twaalf engele, en name daarop geskrywe, naamlik diť van die twaalf stamme van die kinders van Israel (Ou Testament). (13) Aan die oostekant was daar drie poorte, aan die noordekant drie poorte, aan die suidekant drie poorte, aan die westekant drie poorte. (14) En die muur van die stad het twaalf fondamente gehad, en daarop was die name van die twaalf apostels van die Lam (Nuwe Testament).

    Dit is die gebou wat God daargestel het... iemand wat hier iets wil byvoeg... of wegneem, bring dwaling en kan nie geglo word nie. Daar is nie meer profete in die Bybelse sin van die woord, om vir ons een of ander verborge boodskap te bring nie! 'n Valse profeet is een wat nie bou op die fondament wat reeds gelÍ is nie, die fondament waar Jesus self die hoeksteen is... 'n valse profeet wil nuwe fondamente lÍ sonder 'n hoeksteen!

    Hoe is julle gevoel hieroor?
    The Lord is our Shepherd
    die Here sal voorsien
    itís the only method
    glo dit en jy sal sien

    The power of His glory
    is the punch line of this story,
    ek staan verwonderd en tog
    het U alles volmaak besorg


  2. #2
    Join Date
    Aug 2007
    Posts
    1,999
    Blog Entries
    6
    Wie is die leuenaar, behalwe hy wat ontken dat Jesus die Christus is? Dit is die Antichris wat die Vader en die Seun loŽn.
    1 Joh 2:22


    Wat julle dan van die begin af gehoor het, laat dit in julle bly. As in julle bly wat julle van die begin af gehoor het, dan sal julle ook in die Seun en in die Vader bly.
    1 Joh 2:24


    Ferdi, ek glo hierdie verse staaf presies wat jy gesÍ het.

    Groete
    Phil

  3. #3
    Sal 'n profeet nie aan sy vrugte geken word nie ?
    Lei sy boodkap tot stigting ?
    Die ander probleem wat ek het met baie "profete" is dat God skinder mos nie, waarom sal God nie direk die boodskap aan jou oordra nie ?
    Sorry maar ek is maar 'n skeptiese mens indien dit by profete kom in die hedendaagse tyd, juis omrede daar soveel rondloop met valse leringe

  4. #4
    Join Date
    Aug 2007
    Posts
    1,999
    Blog Entries
    6
    Quote Originally Posted by Pierre van Zyl View Post
    Sal 'n profeet nie aan sy vrugte geken word nie ?
    Lei sy boodkap tot stigting ?
    Die ander probleem wat ek het met baie "profete" is dat God skinder mos nie, waarom sal God nie direk die boodskap aan jou oordra nie ?
    Sorry maar ek is maar 'n skeptiese mens indien dit by profete kom in die hedendaagse tyd, juis omrede daar soveel rondloop met valse leringe
    Ek het Saterdag gesien jy is nogals 'n erg skeptiese mens

    Maar ja, ek wil met jou saamstem, daar is te veel sg. profete wat rondhol en eintlik maar net mense se "fortuin" probeer vertel/voorspel.

    Meet elke gees aan die Woord. Dit is hoe ek glo dit gedoen moet word.

    Groete
    Phil

  5. #5
    Spot on Phil ! Spot on !

  6. #6
    Join Date
    Jul 2002
    Location
    Western Cape, South Africa
    Posts
    577
    Quote Originally Posted by Pierre van Zyl View Post
    Spot on Phil ! Spot on !
    Ek stem saam. Oppas ook vir sg. profete wat beweer hulle het "nuwe openbaring" ontvang het, en wat dit op grond van die Bybel se verwysing dat daar nog baie onaangetekende gebeure was, of dat die Woord self sÍ dat daar nuwe openbaringe sal wees. Die toets bly altyd die Woord. En dan die vrug.

    Anton

  7. #7
    Julle het gevra vir riglyne oor ware en valse profete. Hier is dit, en wel deur Jesus Self, soos gedikteer aan Sy profeet Jakob Lorber.

    Egte en valse profete en openbaringe

    150 (Die Heer) 'Op groot skaal openbaar God Hom by monde van profete wat deur Hom geroep is. Sulke profete is, vir mense met `n meer ontwaakte gees, altyd goed herkenbaar, - ten eerste deur hulle geskrifte en gesproke woord, ten tweede deur ekstra wondergawes, byvoorbeeld deur, om in noodgevalle, toekomstige dinge aan die mense te verkondig, sodat die mense dit vir hulleself kan aantrek en hulleself kan verbeter en God vra of Hy die aangekondigde onheil van hulle sou afwend, soos wat dit by Nineve die geval was. Ten derde kan sulke ware profete, wat deur God se wil opgewek is, ook deur hulle gebed en deur handoplegging siekes genees, as die genesing heilsaam vir die siel van die sieke sou wees. En ten vierde kan hulle ook tesame met die wil van God `n strafoordeel oor die onverbeterlike mensdom uitspreek, of, in die teenoorgestelde geval, `n volk seŽn.
    [2] Deur hierdie en nog `n aantal ander, karakteristieke eienskappe is die ware profete, wat deur God opgewek is, baie maklik van die valses te onderskei, en mens kan dit veral goed sien aan die feit dat hulle as ware profete altyd vol deemoed en naasteliefde is, terwyl die valse profete in allerlei besondere, opvallende klere rondloop, baie hoogmoedig en vreeslik selfsugtig is, hulle slegs op bepaalde, geheiligde plekke laat sien, weinig praat en dan ook nog baie dom en onsinnig, en op bepaalde tye allerlei skynwondere verrig deur middel van streng geheim gehoude natuurlike middele - en wee diegene wat hulle sou nadoen!, - terwyl die ware profeet van sy egte wonderwerke geen geheim maak nie, maar selfs die mense nog aanpor en aanspoor deur hulle te seŽn, sodat hulle ook op dieselfde ware, korrekte wyse presies dieselfde wonderwerke kan doen.
    [3] Uit die feit dat die ware profete dus baie maklik van die valses te onderskei is, en elke nugter mens wel kan vasstel dat daar dus werklik ware en valse profete is Ė waar die laasgenoemde sekerlik nooit sou gekom het as die ware hulle nie voorgegaan het nie, - kan die mense tog ook wel baie maklik aflei dat daar `n egte God is, wat die mense nooit heeltemal verlate op die aarde laat rondloop het nie, maar altyd Sy wil aan hulle meegedeel het en aan hulle die groot, wyse plan wat Hy met hulle het, ook steeds openbaar.
    [4] Hierdie manier van openbaring is vir mense, wat hulle openlik daarvolgens wil rig, steeds die heilsaamste, omdat hulle geen buitengewone dwang daarvan ondervind nie. By die groot openbarings, wat maar selde voorkom, wen die mense baie minder vir hulle siele, omdat sulke openbarings meer `n oordeel is vir die ontaarde mensdom, as iets heilsaam.
    [5] Toe Adam in die paradys op hierdie aarde teenoor God gesondig het, omdat hy as mens met `n vrye wil hom nie wou steur aan die wil van God wat aan hom welbekend was nie, het hy weldra `n groot openbaring van God gekry en betreur toe sy sonde; maar hierdie groot openbaring was `n oordeel vir hom.
    [6] Daarna het die mense vanweŽ die ontaarde, wÍreldse kinders wat in die dal gewoon het, meermale `n groot openbaring van God gekry; maar dit was vir die wÍreldse kinders steeds `n oordeel.
    [7] Ten tye van Noag het die mense weer `n groot openbaring van God gekry; maar dit was vir hulle `n baie groot oordeel.
    [8] Ten tye van Abraham het daar weer `n groot openbaring plaasgevind, en wel vanweŽ die ontsettende ontaarde bewoners van Sodom, Gomorra en die omliggende tien kleinere stede. Dit was opnuut `n oordeel vir hierdie mense; die Dooie See gee tot op die huidige dag nog `n sprekende getuienis daarvan.
    [9] Vader Jakob kry weer `n groot openbaring van God; maar sy kinders moes dit in Egipte boet.
    [10] Ten tye van Moses was daar `n nuwe, buitengewone groot openbaring van God, en op kliptafels moes God se donderende woorde vir die mense ingegriffel word. Maar wat `n vreeslike oordeel was hierdie openbaring van God nie, by name vir die blinde, hoogmoedige en onmenslik geworde Egiptenare, wie se vernaamste glorie volledig gebreek was; maar ook van die Israeliete was niks deur die vingers gesien nie.
    [11] Toe die Israeliete die woestyn onder Joshua verlaat, kom daar weer `n groot openbaring van God en die groot Jerigo verdwyn van die aardbodem.
    [12] So was dit ten tye van Samuel en EliJaH en ook ten tye van die vier ander groot profete; en gaan lees maar watter oordele daarop gevolg het! Selfs die klein profete was nie sonder oordeel na hierdie wÍreld gestuur nie.
    [13] Nou vind die grootste en mees regstreekse openbaring van God aan die mense, voor julle oŽ plaas; maar die daaropvolgende buitengewone groot oordeel vir die JudeŽrs sal nie lank op hom laat wag nie.
    [14] Van nou af aan sal daar vir byna 2000 jaar lank tallose sieners en profete opgewek word, omdat `n nog groter aantal valse profete en baie hoogmoedige, heerssugtige en liefdelose, valse christusse (gesalfdes) sal opstaan. Maar ook hierdie oordeel sal steeds aangaan, en daar sal selde `n heerser wees wat nie met sy volk, vanweŽ die duisternis, `n strenge oordeel sal moet ondergaan nie.
    [15] Teen die einde van die genoemde tyd sal Ek steeds groot profete opwek, en met hulle sal die oordeel ook vermeerder en uitgebrei word. Daar sal ook swaar aardbewings kom en verwoestende storms, groot prysstygings, oorloŽ, hongersnood, epidemies en nog baie ander kwaad, en, soos wat Ek al voorheen gesÍ het, sal daar geen geloof wees nie - behalwe by baie weiniges onder die mense, wat in die ys van hulle menslike hoogmoed heeltemal sal verkil en die een volk sal teen die ander optrek.
    [16] Die mense sal ook gewaarsku word deur sieners en besondere tekens aan die hemel, waaraan egter slegs My geringe aantal volgelinge hulle sal steur, terwyl die wÍreldse mense dit alles slegs as seldsame, natuurlike fenomene sal beskou en dit aan elkeen wat nog in My glo, sal wil wysmaak.
    [17] Maar daarna sal die grootste openbaring plaasvind deur My tweede koms op hierdie aarde; hierdie openbaring sal egter ook voorafgegaan word deur `n baie groot en skerp oordeel en gevolg word deur `n algemene sifting van die wÍreldse mense deur die vuur en sy projektiele, waarna Ek dan Self `n heel ander kweekskool vir ware mense op hierdie aarde sal kan vestig, wat dan sal duur tot aan die einde van die tye van hierdie aarde.
    Einde van Aanhaling:
    Groetnis
    Skryfkneg

  8. #8
    Join Date
    Sep 2002
    Location
    Little Jerusalem, S-Africa
    Posts
    3,891
    skryfkneg,

    Die toets vir 'n ware en valse profeet, kom slegs deur die fondament wat op die Apostels en Profete gebou is. Daardie fondament sou jyself gebruik het, as jy dit as fondament erken het, daar is geen ander fondament nie en dit is die Woord van God alleen. Jakob Lorber is 'n vals profeet... en dit is nie moeilik om te bewys nie.

    Die 2de teken, is die feit dat sy profesieŽ in versies en hoofstukke aan hom gegee is. Hy het seker nie besef dat die boeke van die Bybel eers in die middeleeue, ingedeel was in hoofstukke (14de eeu) en eers hier in die 16de eeu, was teksversies die eerste keer bygevoeg, bloot vir verwysingsdoeleindes.

    God sal nie aan al die Bybel-figure dit in boekvorm gee, maar aan Judith en Lorber word dit of in hoofstukke of in versies of beide gegee nie.
    The Lord is our Shepherd
    die Here sal voorsien
    itís the only method
    glo dit en jy sal sien

    The power of His glory
    is the punch line of this story,
    ek staan verwonderd en tog
    het U alles volmaak besorg


  9. #9

    Egte En Valse Profete En Openbaringe

    CFJ, ek gee werklik op met jou.

    Jou onvermoŽ om `n stelling te debatteer is skreiend. Ek daag jou; wat is vals in die bogenoemde aanhaling? Plaas dit nou en net dit. Los jou ander slimpraatjies vir die sondagskool.

    Op ander drade (Johanna Brandt) haal jy gewone mense se geskrifte aan asof hulle gestuurde profete is om vals profete te ontmasker. Hoe verstaan ons jou nou?

    Ons soek die waarheid nou asseblief van jou af: Punt vir punt, elke valsheid in hierdie aanhaling van Jesus aan Jakob Lorber hierbo!!!


    Skryfkneg

  10. #10
    Join Date
    Sep 2002
    Location
    Little Jerusalem, S-Africa
    Posts
    3,891
    skryfkneg,

    Die kanon is gesluit op grond van die fondament wat reeds gelÍ is. Die fondament van alles wat ons moet weet, is gebou op die Apostels en Profete (Efe 2:19-22). Is dit so moeilik om te verstaan? WeerlÍ die Woord van die Here, my woorde is nie van waarde nie. Kan jy bewys dat Lorber deel van daardie fondament is?

    As ek dit reg het, is Lorber nie een van die twaalf nie, Lorber se naam is nie een waarop Jesus gebou het nie. Watter fondament gebruik Lorber hier? Sonder om spesifiek in te gaan op hierdie profesie van Lorber, Jesus gee nie meer nuwe openbaringe nie en Lorber leer dan ook dat mens na jy dood is, ook wedergebore kan word. Iets wat lynreg is teen dit wat Christus self gesÍ het. Die liefdeloosheid van so profesie spreek boekdele, sou mens bloot op die wedergeboorte fokus, wat in hierdie kant van die graf moet wees.

    Hierdie draad en ook die een oor Judith de Beer, sal heel moontlik verskuif word na die kontroverse forum, want sektariese dogma's is nie stigtend vir die liggaam van Christus nie, maar dit is goed om dit uit te wys. Tot op hede kon jy nog nie die Skrif weerlÍ nie... en kom elke keer met 'n nuwe invalshoek.
    The Lord is our Shepherd
    die Here sal voorsien
    itís the only method
    glo dit en jy sal sien

    The power of His glory
    is the punch line of this story,
    ek staan verwonderd en tog
    het U alles volmaak besorg


  11. #11
    Natuurlik is jy reg dat ons op die twaalf apostels as fondament moet bou, want dit staan tog duidelik in Openb 21:14. Daar was 11 nadat Judas dood is en in Hand 1:26 word 1(EEN) in sy plek gekies sodat hulle weer 12 was.

    Beste GFJ,

    Regdeur al jou redenasies gebruik jy kwistig van Paulus se woorde, as synde die dertiende apostel. Jy gee dus teen jouself getuienis wanneer jy sÍ dat jy op die fondament van 12 bou.

    Jy systap nog elke keer die waarheid. Antwoord slegs die volgende:

    Beskou jy Jesus as die WOORD (Joh1:1 tot14) en die hoogste gesag (Matth 28:18) op aarde en hemel????

    of: beskou jy die Bybel as hoogste gesag?

    Spreek asb hieroor en moenie my as sektaries probeer sywaarts rangeer nie. Die hele forum wag om te hoor.

    Vertel ons ook terselfdertyd wanneer het Jesus Self gesÍ dat Hy nooit weer met Sy kinders sal praat na Sy Openbaring op Patmos nie.
    Groete
    Skryfkneg

  12. #12
    17] Maar daarna sal die grootste openbaring plaasvind deur My tweede koms op hierdie aarde; hierdie openbaring sal egter ook voorafgegaan word deur `n baie groot en skerp oordeel en gevolg word deur `n algemene sifting van die wÍreldse mense deur die vuur en sy projektiele, waarna Ek dan Self `n heel ander kweekskool vir ware mense op hierdie aarde sal kan vestig, wat dan sal duur tot aan die einde van die tye van hierdie aarde

    In hierdie konteks; waar pas die 1000jaar vredesryk in ? Hoekom moet daar WEER Ďn kweekskool gestig word. Ons gaan tog verheerlikte liggame hÍ, en in die teenwoordigheid van God wees waar pas die kweekskool in.
    Die oordeel gaan deur Jesus gedoen word op die oordeelsdag, wie gaan oordeel voor die tyd ? Mag hy oordeel ? Aangesien oordeel nie in ons hande is nie. Vermaning is wel deel van ons pligte indien Ďn persoon op die dwaal is.
    Hoe gaan die oordeel plaasvind sonder die koms ?
    Hoekom word sifting gedoen deur vuur en projektiele ? ďÖdeur `n algemene sifting van die wÍreldse mense deur die vuur en sy projektieleĒ
    Hoe kan vuur en Ďn projektiel oordeel ? Waar pas die dier hierin ?
    Hierdie ďMYĒ lyk vir my na die dier wat kom, die mens gaan bombadeer met vuur en projektiele, die mens laat glo dat hy die Christus is, en die dier skep kweekskole om die mens te indoktrineer om sy beginsels aan te hang en hom te aanbid.
    Kan hierdie profisieŽ daarop dui, gesien in die lig dat daar teenstrydighede is met die Bybel ?
    Is die Woord nie duidelik daaroor dat ons alles met die Bybel moet toets nie ?
    Indien daar teenstrydighede met die Bybel is, kan ons dit aanvaar as God se woord ?
    Ek sal later loer na die ander gedeeltes, ek moet nou eers Ďn bietjie werk.

    Antwoord asb, ek wag vir Ďn antwoord, aangesien ek nie namens mense kan praat wat ek nie ken nie, en dus kan ek nie sÍ die hele forum wag vir Ďn antwoord nie. Want jy sien, dan lieg ek

  13. #13
    Quote Originally Posted by skryfkneg View Post
    Beskou jy Jesus as die WOORD (Joh1:1 tot14) en die hoogste gesag (Matth 28:18) op aarde en hemel????

    of: beskou jy die Bybel as hoogste gesag?
    Skryfkneg,

    U probeer debatteer of Jesus meer gesag as die Bybel het, en daarmee impliseer u, soos voorheen, dat ons kwansuis die Bybel belangriker ag as Jesus. Ek kan presies dieselfde doen en vra, "Beskou u Lorber, Dudde, De Beer, Engel, ens." as 'n groter gesag as Jesus?

    Ook, omdat Jesus die woord is, hoe bewys dit dat Lorber 'n ware profeet is? U probeer die bewyslas na ons toe verskuif om te bewys dat Lorber 'vals is ', en dit is omdat u nie kan bewys dat Lorber 'n ware profeet is nie. Wat is Lorber se gesag anders as dat dit vir u soos die waarheid lyk?

    Terloops, dit is juis in die Bybel waar Jesus as die Woord geidentifiseer word, soos die teksgedeeltes wat u aanhaal.
    Waarom haal u die Bybel in sommige gevalle aan, terwyl u eie profete sÍ dat die Bybel onsuiwer is?

    As u glo dat God nog direk met mense kommunikeer, waarom aanvaar u die getuienis van Judith, maar nie die getuienis van Yolande, waarin sy vir u gesÍ het dat God d.m.v. 'n droom vir haar gewys het dat Lorber en Dudde vals is nie?
    Waarom is die profetiese woord slegs geldig wanneer dit u keuse van evangelie ondersteun?

    In kort

    1. Bewys dat Lorber 'n ware profeet is. Die onus is nie op ons om te bewys dat elke persoon wat 'n storie te vertelle het, 'n valse profeet is nie.
    2. U verwysings na God se kommunikasie beteken nie outomaties dat daardie kommunikasie d.m.v. Lorber en Dudde en Judith en dies meer is nie. Mense wat 'nuwe openbarings' aanhang verwys so graag na die gedeeltes in die Bybel wat op profesie gemik is, en aanvaar sommer dat HULLE 'profeet' dit is.
    3. As die Bybel vervals is, soos wat u profete sÍ, waarom haal u die Bybel aan om u standpunt te maak? Is dit geoorloof om die 'nuwe openbaringe' ten enige koste aan mense af te smeer, selfs al moet mens die 'valse' Bybel gebruik?
    4. Waarom gee u slegs gehoor aan die kommunikasie van diegene wat dieselfde glo as u, en nie diegene wat getuig teen Lorber, soos byvoorbeeld Yolande, nie?
    Waarop basseer u u onderskeiding tussen die verskillende openbaringe?
    5. Is dit moontlik vir 'n bose gees om deur 'n innerlike woord met mense te praat? Is dit moontlik dat Lorber se boodskap deur 'n bose gees gegee is, met die enkele doel om die Christene van Duitsland te mislei?

    Dan 'n paar vrae van my eie.

    1. In die Bybel wat u self saamgestel het, die Boek van Herinnering, sÍ Jesus aan die kruis 'Vergeef hulle NIE, want hulle weet wat hulle doen'. Wat is Lorber se weergawe van daardie uitspraak van Jesus en hoe bring u die twee bymekaar?
    2. Volgens die Lorber het Jesus vele tekens as kind gedoen, maar volgens die Bybel het Jesus sy eerste teken te Kana in Galilea gedoen? Wat is u kommentaar hieromtrent?
    3. Volgens Lorber was die dogterjie Jarah die een wat die naaste aan Jesus was, maar volgens die Apostels was dit Johannes? Hoe verklaar u dit, of is Lorber meer gerig vir die New Age mark, waarin vroue se belange hoog gestel word? Lorber datteer immers uit die post-moderne Era waar oosterse openbarings aan die orde van die dag was, soos Alice Bailey se Teosophie, Johanna Brandt se New Age openbarings, Mary Baker se Scientology, Darwinisme ens.
    4. Van Darwinisme gepraat, waarom praat Lorber van pre-adamiete, maar dit kom nie in die Bybel voor nie? Dit het wel in Lorber se tyd populÍr geraak aangesien Darwin se leerstellings in die 1800s baie populÍr was, en gelowiges graag Darwin met die Bybel wou versoek en toe is pre-adamiete gebore.
    Last edited by chisel; Oct 15th 2007 at 09:22 AM.

  14. #14
    Join Date
    Sep 2002
    Location
    Little Jerusalem, S-Africa
    Posts
    3,891
    Quote Originally Posted by skryfkneg View Post
    Regdeur al jou redenasies gebruik jy kwistig van Paulus se woorde, as synde die dertiende apostel. Jy gee dus teen jouself getuienis wanneer jy sÍ dat jy op die fondament van 12 bou.
    Paulus kon die 12de Apostel wees, daar is goeie rede om te vermoed dat MatthŪas nie wettig verkies was tot die amp nie, bloot omdat mens nooit weer van MatthŪas lees daarna nie, maar dit is spekulasie. Paulus kan egter die 13de Apostel wees, die spesiale Apostel vir spesiale dienswerk, soos wat die Leviete die spesiale 13de stam van Israel was vir spesiale dienswerk. Gaan dit maar na, dit maak baie sin.

    Wat is jou probleem met Paulus skryfkneg? As jy nie die volle Woord van God aanvaar nie, sal dit uiteraard jou deelname aan die oop-forum beperk en sal ons jou net in die kontroverse forum toelaat.

    Quote Originally Posted by skryfkneg View Post
    Jy systap nog elke keer die waarheid. Antwoord slegs die volgende:

    Beskou jy Jesus as die WOORD (Joh1:1 tot14) en die hoogste gesag (Matth 28:18) op aarde en hemel????

    of: beskou jy die Bybel as hoogste gesag?

    Spreek asb hieroor en moenie my as sektaries probeer sywaarts rangeer nie. Die hele forum wag om te hoor.
    Kan jy aandui waar ek die waarheid systap? Hoekom antwoord jy nie op die openbaarmaking van die vals, onbybelse wedergeboorte wat Lorber, de Beer en jyself voorstaan nie? Wie systap die waarheid?

    Jesus is die Woord en daarom is die geskrewe Woord nagelaat as ewige erfenis aan gewone mense soos ek en jy. Hoekom vertrap jy die geskrewe Woord skryfkneg? Die Bybel as 'n boek, kan nooit Jesus se gesag as Persoon vervang nie. Die Bybel is egter Jesus se lewende brief aan mense, om Sy volheid aan ons weer te gee. Dit is 'n unieke kommunikasie-middel, om die waarheid op 'n vaste gegewe te kan toets. Hoe toets mens Lorber en byvoorbeeld Judith de Beer? Die Woord van die Here toets hulle en beide verkondig as voorbeeld 'n vals wedergeboorte wat nie strook met die Woord van Jesus nie. Wie moet mens glo, dit wat in die Bybel staan (Jesus se woorde) of dit wat aan Judith en Lorber gegee is? Hoekom verkondig jyself ook hierdie vals wedergeboorte... is dit omdat jy Jesus se woorde nie ernstig opneem nie, dit wat Hy in Sy Woord nagelaat het?

    Quote Originally Posted by skryfkneg View Post
    Vertel ons ook terselfdertyd wanneer het Jesus Self gesÍ dat Hy nooit weer met Sy kinders sal praat na Sy Openbaring op Patmos nie.
    As jy wegneem... of as jy byvoeg... onthou jy daardie een?
    The Lord is our Shepherd
    die Here sal voorsien
    itís the only method
    glo dit en jy sal sien

    The power of His glory
    is the punch line of this story,
    ek staan verwonderd en tog
    het U alles volmaak besorg


  15. #15
    Quote Originally Posted by skryfkneg View Post
    ....... waarna Ek dan Self `n heel ander kweekskool vir ware mense op hierdie aarde sal kan vestig, wat dan sal duur tot aan die einde van die tye van hierdie aarde.
    Eintlik is dit 'n baie hartseer draad hierdie.
    Dit maak my hartseer dat mense so mislei word, en dit nodig vind om hoop en vertroosting te vind in iets anders as God se Woord...dit terwyl die enigste hoop en vertroosting wat ons nodig het te vinde is in hierdie Boek.
    Ek kan maar net dink dat die Bybel verkeerd verstaan word, en dat die Evangelieboodskap nie raakgelees word nie....want die alternatiewe moontlikhede impliseer 'n donker agenda reg uit van die tekenbord van Satan.

    Die implikase van bogenoemde aanhaling is natuurlik skokkend. Die profeet impliseer mynsinsiens dat 'n "nuwe kweekskool" nodig is, wat op sy beurt impliseer dat ons alle Christene wat glo wat die Bybel vir hulle leer nog die heeltyd mislei is.
    Kan Skryfkneg dalk vir ons 'n indikasie gee van wat by hierdie sogenaamde kweekskool geleer gaan word ?

    My persoonlike gevoel oor moderne profete as volg :
    God praat met my as kind van die Here op twee maniere :
    Eerstens deur Sy Woord, en tweedens deur Sy Gees. Die Gees sal egter nooit die Woord teŽspreek nie, en sal altyd uit die woord bevestig kan word. Die oomblik as mense God se Woord begin teespreek, of met 'n "nuwe evangelie" vorendag kom, praat daardie mens teen God, teen die Gees, en is dus in elke opsig van die woord 'n valse profeet.

Thread Information

Users Browsing this Thread

There are currently 1 users browsing this thread. (0 members and 1 guests)

Similar Threads

  1. Judith de Beer... Profeet...?
    By CFJ in forum Gesprek oor die Eindtye en Aktuele sake
    Replies: 98
    Last Post: Oct 25th 2007, 01:01 PM
  2. Teken 1 - Valse Christusse
    By CFJ in forum Gesprek oor die Eindtye en Aktuele sake
    Replies: 2
    Last Post: Aug 22nd 2007, 08:12 AM

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •